***
說回今天,終於有時間去游水了!游完水後,你也放工了,我們約了在大埔墟麥當勞見面。我先到達,在下層坐著等你。你...又搞surprise了!你直接買了一個麥樂雞餐再加一杯香芋麥旋風!原因是我們十分鐘前的電話內容,「你會唔會食新出果個香芋麥旋風?」「會呀!點會唔會呀?」「我以為你一定唔會食d騎哩味丫嘛!你咁鬼麻煩!」「係呀!不過我都唔會買俾你食!」「我先唔想食囉游完水!」其實我是真的想試探你這個揀飲擇食的人會不會嘗試香芋味的麥旋風,純粹為了好奇!哈哈!但你以為我又在表演拿手好戲在說反話了!但...我游完水唔想食肥野呀,今次是認真的@@你有點失望了,我吃了一半呀!十幾個來回消耗完既卡路里又冇晒喇!
驚喜不果,自顧自在狂啃麥樂雞的人/___\
沿路回家的時候再不知不覺彈出幾句單單打打!「哎~下次唔搞驚喜啦!」「你都唔食雪糕既!我會好好記住」@@你其實真係有d煩!到了我家樓下的時候,我說想到超級市場買蕃茄味梳打餅,你這個難搞的人又說:「噢,唔好喇,你做完運動都唔食野既!」你又想到我有可能出奸計,會扮放棄之後回家,但是在商場那一層偷走出去買餅,所以立刻再說:「你不要在L2出去呀!」我其實的確有閃過這個念頭,但我又已經放棄買餅了,因為很肥@@,但我跟你說:「哈哈!咁都俾你估到!得啦!L2見啦!」之後我們便道別,我就轉身走入大堂了。回到家正預備沖涼的時候收到你的電話:「喂?你晌邊呀?」「掛住我呀?做咩呀?屋企咯!」「你又話L2等@口@?!」... 算吧!我地今日jam晒線呀!溝通唔到呀!byebye!