小確幸。一直都在: 8月 2011

2011年8月29日星期一

八二九。

***

不知道今天的計劃是不是全部都順利，不過我知道你一定一定會過得好開心的。=)你看到這個blog的時候，可能還會有驚喜在後的，哈哈！

這個blog就是我這四個月來時不時跟你說我在炮製的生日禮物！是你才會相信我說的正在積極減肥，要送一個fit到爆的我給你。你就想啦，女人要fit終究是為了自己的！快要送給你，我突然很不捨得，因為一個很了解我們的老朋友(當然是了解我們的吵交頻率是如何地密的好朋友=P)跟我說，要是把這個blog留待我們下一次吵大穫時，你一定會不理誰對誰錯，先哄我就是了哈哈，是皇牌喎！不過我在想，處女座跟天蠍座要不就和平相處，要是真的吵起交來，他倆可是會兇得...=D =D，總之最好還是不要令這blog充滿彈痕就是了！

小確幸，微小但確切的幸福。不說了！送給二十一歲的你，還有勞苦功高兼仍是二十歲的我。你要一直快樂。=)

2011年8月25日星期四

● ● ●

很貪心的人用盡整張紙畫了巨型小綠人=P
(回到家發現你寫錯日期了！快樂不知時日過？)

比你小八倍的小綠人♥♥♥

泡泡龍上面呢粒蛋很可愛掛著一個大笑臉，轉個不停

謝謝你捕捉了他的正面給我，很蠢卻很窩心=)

Disneyland的parade就是有種讓人感動得想哭的感覺，表演人員和從卡通片跳出來的他們就是要拼盡力氣逗你笑，正正因為充滿誠意而令你會心微笑。回家後，其實不是瑜瑜要來探noodles和二妹啦，而是我硬威脅她這個蛋糕王傳授畢生絕學給我！哈哈！她pro得要我先試整一次，還要我好好記著tiramisu的餅底軟不軟身，cream會不會太甜，又要不要加多些咖啡酒。今次真的快到你的生日了，我也要拼盡力氣逗你笑。=D

2011年8月24日星期三

第☺☺☺☺☺☺次跑步日

「同你一齊跑步好開心」的原因：

☺海濱係我地開始既地方(真係好浪漫呀=P)
☺為左迫使我地會一直跑落去，我地一齊去左買超核突跑步鞋，仲要貴到一定要狂跑先可以抵返！
☺雖然我真係慢得像蝸牛，但係你回頭發現我落後一條街時，你會等我，再同我扮接棒，哈哈
☺有時我地朝早可能都累透了，但係兩個傻仔夜晚竟然都堅持去跑步
☺回程時可以拖實你痴住你散步，再輪流聽對方講好多好多野，好值得=)
☺跑到散晒時，有你晌後面推我，我先唔怕最尾果四級攞你命樓梯同大斜路
☺當你發現自己唔介意一個人成身臭汗不特止，仲會捉實佢果一刻，突然會有「不得了，真係你」既感覺
☺即使無帶電話無帶銀包又無帶八達通，但係都好有安全感，就係跑步呢兩個鐘啦！
☺雖然我地都令唔到對方鍾意自己鍾意既運動。我唔會打籃球更加唔會踢足球吧？你都唔會愛上游水，因為你女朋友真係可以完全唔理你自己一個人狂游=D。不過，我地終於尋找到一樣可以一齊做，一齊愛上既運動喇！
☺為左「第一百次跑步日，我地要去食餐勁呀」呢個目標，雖然好遙遠(今日係第六次，多謝！)，我地要努力了！

2011年8月19日星期五

飲茶，澳門，魔鬼脆脆。

你lastday後的第二天。

站在超市的凍櫃前，由於我有先天性選擇恐懼症，我拿著剛挑選了的兩包冰包月餅問你：「我揀淨左天使脆脆同魔鬼脆脆喇，到你揀喇！」你決斷的說：「天使啦！」不知是什麼怪性格，當身邊的人替我作了選擇的那一刻，我會突然有一股很強的力量騎使我選擇另一個不被支持的選擇，所以我立刻說：「不如要魔鬼咯？」經常投訴意見常被忽視的你今天特別縱我(或者是已經死心了？)：「哈哈，魔鬼啦！」。

還有，為什麼你今天沒有揶揄我作弄我恥笑我的？一定是因為我是唯一一個稱讚你那個被認為是「喂，你要入學堂咩？」的鮑魚刷頭的人，哈哈哈哈，其實我是真的很喜歡呀，你睇睇你女朋友個頭都短到無得再短啦？=D

我想是為了報答我對你的新髮型的支持，今天我無論是心血來潮的拉著你飲茶、雖然聽到價錢後也著實有點猶豫但死都要堅持住十六浦、抑或是又賴皮要揀魔鬼脆脆，你都一一say yes！

一到這些時候，我偏偏才會想想自己會不會有點任性...得過頭了？我其實知道答案是什麼啦，無論如何，多謝你縱然嘗試很多次改變我的任性也不果，最後卻選擇了接受我的任性。所以，我今天決定為了報答你，我以後也會去嘗試接受你那比我更多更多更多的任性！！！！

2011年8月15日星期一

我要同你去拍拖！

好緊張，好緊張，好期待，好興奮，好想快d到，又想到左之後時間過得慢d慢d再慢d！仲有一日陳子俊就返完會計師樓intern喇！辛苦晒你喇！

又，有個人本身已經報左名交晒學費，黎緊會連續上四日whole day既急救班。但係佢心郁郁想縮沙，縮沙去拍拖。佢同自己講左好多個理直氣壯(？)既藉口：暑假淨返半個月好應該去玩，男朋友終於就黎完成為期兩個半月既地獄式朝9晚6實習，first aid呢d野只要晌grad之前pass就得啦即係可以year3先讀啦，$260只係佔census成份人工既3%，即係大概係水隊玩半日既人工... 姐=P，如果我照著返舊t-shirt而唔去買新跑步衫跑步咪抵銷返果$260咯？

之後，佢趁住男朋友送佢返到屋企樓下，臨講byebye果一刻，好細聲好快速咁講：「我想做樣野，應該會俾你話」。男朋友一副鬆容自在的樣子：「請講。」佢如實招來：「我可能唔上first aid，(更細聲更快速)即係會冇左二百六十蚊。」男朋友露出一個比iphone emoji左下角奸笑表情更邪惡的冷笑：「你都決定左啦！」跟住佢女朋友露出一個更奸險既笑容：「哈哈，諗下姐，未firm架喎。」

最後，佢仲未同佢呀媽講。最後，佢呢一刻真係好緊張，好緊張，好期待，好興奮... ^O^

2011年8月9日星期二

太和茄子

倒數八小時前，只睡了兩小時的你從campsite直接上班，還要是到極需要用腦力的會計師樓工作。貪玩不知時日過的人呀！！我拿著剛剛在藥房買的眼藥水在你家樓下等你，嘿嘿，雖然訓少左一個晏覺，但見到你真係好surprise果個笑容真係好抵架。

***

你：！！！！點解... 你會晌呢度架？？！
我：我媽叫我去太和買茄子呀！(由於我屋企去大埔墟／樓下街市係最近的，所以我媽好明顯係一定唔會有咁既提議*v*)
你：真係要太和茄子架？
我：哈哈係呀！順便俾埋枝眼藥水你丫嘛！

***

我地之後又真係去左買茄子，你又真係再問多我一次係咪特登過黎太和買茄子，係呀我真係特登落黎買茄子先順便拎你講過話好用枝眼藥水俾你咋！

沖緊涼果陣，我諗起你真係好開心果個樣，諗起你好攰都要聽我講晒呢幾日發生左既事，諗起你同返我講你入camp食過d咩玩左d咩，諗起我本身仲好豫疑不決究竟訓晏覺定係過黎嚇你...　我竟然感動到喊呀，因為我覺得好值得，好開心好開心。=p

2011年8月8日星期一

七夕

雖然我們都不知道昨天是七夕，雖然我知道你看見我的新髮色時一定會大笑，雖然我真的猜對了你那浮誇的反應，雖然沒有驚喜也沒有禮物...

很想告訴你，我就是喜歡這種最簡單最自然的相處，我愛極了。哈哈，我在disney的網站起了「車仔」的底啦，他的名字是阿佳，送張wallpaper給你！記得剛一起時，我問你最喜歡看那一類型的影片，你答我卡通片，當時心想「ohhmygod點解你可以咁低b？點解唔係我最鍾意既大陣像魔幻片架？」。到了現在，我發現原來我都係一個卡通片fans，仲係不折不扣果隻，ohhmygod。